2002 წლიდან თავისუფლების ინსტიტუტი წარმართავს კამპანიას საქართველოში პოლიტიკური და კომერციული გავლენისაგან თავისუფალი, საზოგადოებრივი მაუწყებლობის ჩამოყალიბების მიზნით.

საზოგადოების ინტერესებისა და დემოკრატიულ პროცესებში მედიის როლის გათვალისწინებით, თავისუფლების ინსტიტუტი აცხადებს, რომ საქართველოში აუცილებელია მაუწყებლის ფორმირება, რომელიც, ერთის მხრივ, თავისუფალი იქნება მთავრობის გავლენისაგან, ხოლო, მეორეს მხრივ, მისი მეპატრონეების პოლიტიკური თუ ფინანსური ინტერესების გამო ზიანი არ მიადგება ობიექტური და დაბალანსებული ინფორმირების ფუძემდებლურ პრინციპს. ქართულ მედია სივრცეში არსებული მდგომარეობის ფონზე, საზოგადოების უფლების უზრუნველყოფა, ფლობდეს ზუსტ და ობიექტურ ინფორმაციას მიმდინარე მოვლენებისა და მთავრობის საქმიანობის შესახებ, შესაძლებელი გახდება მხოლოდ საზოგადოებრივი მაუწყებლობის ჩამოყალიბების შემთხვევაში.

კანონი მაუწყებლობის შესახებ

თავისუფლების ინსტიტუტი წარმართავს კამპანიას საქართველოში მედიის პროფესიული სტანდარტისა და თვითრეგულირების მექანიზმების დამკვიდრებისა და პოპულარიზაციის მიზნით.

თავისუფლების ინსტიტუტი ხელმძღვანელობს პრინციპით, რომ ადამიანს აქვს უფლება ფლობდეს დროულ, ზუსტ და დაუმახინჯებელ ინფორმაციას, ხოლო ჟურნალისტს კონსტიტუციით, კანონითა და საერთაშორისო დოკუმენტებით გარანტირებული უფლებების გარდა, აქვს ვალდებულება საზოგადოებას ამომწურავი, მიუკერძოებელი და უტყუარი ინფორმაცია მიაწოდოს. თვითრეგულირების მექანიზმები, რომლის საქართველოში დამკვიდრებაზეც თავისუფლების ინსტიტუტი მუშაობს, მედიის საზოგადოებრივი ანგარიშვალდებულების მექანიზმების ამოქმედებას ისახავს მიზნად.

 მედიის პროფესიული სტანდარტი

ბმულები
მინესოტას ახალი ამბების საბჭო 
დიდი ბრიტანეთის პრესის საჩივრების კომისია
გერმანიის პრესის საბჭო
კანადის ბრიტანეთის კოლუმბიის პრესის საბჭო